كود سبور//
بدا الدولي المغربي إلياس أخوماش، كايتدرب بعد شهرين من الراحة حيث ما كايلعبش بسبب الاصابة اللي وقعت له مع الفريق ديالو فياريال الإسباني.
ودار إلياس أخوماش تداريب خفيفة اليوم الجمعة فلاصال ديال فياريال، وكانت حصة انفرادية باش يبدا يرجع للحركة بعد اسابيع هو كايرتاح من العملية اللي كان دار على الركبة بسبب الاصابة اللي عندو فليگامون.
وتعتبر مرحلة التأهيل البدني اللي بدأها دابا إلياس أخوماش مهمة بزاف، باش يقدر يرجع يلعب مع فياريال والمنتخب المغربي دغيا، ويرجع للمستوى ديالو من هنا لنهاية الموسم ويبدا الموسم الجاي مزيان باش يشارك مع الأسود فكاس افريقيا 2025.