صن داونز قلبو الماتش على مانييما وربحوهم وهذه النتيجة شعلت كلاسيكو ليفار والرجا قبل ما يبدا

كود سبور//

نجح ماميلودي صن داونز الجنوب إفريقي، وقلب الخسارة ديالو إلى رباح على مانييما الگونگولي، اليوم السبت فالگونگو الديمقراطية برسم الجولة 5 من دور المجموعات.

سالا الماتش بين مانييما الكونگولي وماميلودي صن داونز الجنوب إفريقي، بنتيجة 2 لواحد لمصلحة الفريق الجنوب إفريقي، وماركاو مانييما هما الاولين بواسطة جافت كيتامبا فالدقيقة 39، وتقلبو عليهم صن داونز فالشوط الثاني وماركا بيتر شالوليلي التعادد لصن داونز فالدقيقة 82، ورجع نفس شالوليلي ماركا الهدف الثاني فالوقت بدل الضائع من الماتش.

وبهذه النتيجة شعلت فالگروب الثاني على المركزين المؤهلين إلى دور ربع النهائي فالگروب الثاني، وهذا الشي قبل ماتش الكلاسيكو بين الجيش الملكي والرجاء الرياضي عن نفس الجولة، وعند ليفار المتصدرين 8 نقاط، وماميلودي صن داونز الجنوب إفريقي الثانيين ولات عندهم 8 النقاط، والرجاء الرياضي الثالثين برصيد 4 نقطة، ومانييما الكونگولي عندهم 3 نقاط، مع العلم ان الرجا وليفار عندهم ماتش الكلاسيكو اليوم السبت بالليل فمكناس والنتيجة ديالو ستنعكس على هذه الگروب.

إقرأ الخبر من مصدره