كود سبور//
رجع الدولي المغربي شادي رياض يلعب رسمي مع كريستال بالاس النگليزي بعد أشهر من الغياب بسبب الاصابة اللي كانت عندو.
وشارك المدافع المغربي شادي رياض رسمي مع كريستال بالاس، اليوم الاحد ضد فريق ستوكبورت ضمن منافسات الدور الثالث من كاس الاتحاد النگليزي لكرة القدم، وهو الماتش اللي ربحوه بنتيجة واحد لزيرو وتأهلو إلى الدور الرابع من المسابقة، مع العلم ان اللاعب كان شارك فواحد الماتش قبل ايام مع ليسبوار ديال كريستال بالاس.
وتعتبر عودة شادي رياض إلى الملاعب مؤشر مزيان سوا لكريستال بالاس النگليزي، او للناخب الوطني وليد الركراكي، حيث اللاعب يعتبر من العناصر اللي معول عليها السنوات المقبل باش تدافع على توني المنتخب المغربي، خصوصا حيث غايب الاستقرار فالدفاع ديال الأسود خلال المرحلة الاخيرة.