كود سبور//
أكد الجنوب إفريقي رولاني موكوينا مدرب الوداد الرياضي، أنه متمسك بحارس المرمى يوسف المطيع باش يبقى معه فالفريق، واعتبر ان الگول الشاب عمر أقزداو عندو امكنايات ومستقبل كبير.
وخلال تصريح له بعد فوز الوداد على التواركة قال موكوينا: “سوا كان مع الوداد فكاس العالم للاندية او ما كانش.. الشخص اللي ما نقدرش نتخلى عليه هو يوسف المطيع، راه هو دابا اللي كايعطي النصائح لعمر أقزداو، وهو الگيد ديالو وشحال من حاجة، والمطيع انسانيا شخص رائع وكنت كانتمنى ملي دخلت للوداد لو شي حد عطاني نفس المساعدة اللي كايعطي المطيع لأقزداو”.
وبخصوص عمر أقزداو، قال موكوينا: “الگول عمر أقزداو غايكون عندو مستقبل كبير فالوداد وطبيعي يغلط دابا بحكم السن والتجربة وخاص الجمهور يصبر عليه ويعاونو”.
وكاتجي هذه التصريحات بعدما اخبر هشام ايت منا رئيس النادي اعضاء المكتب المديري للنادي أنه ممكن الاستعانة بخدمات منير المحمدي من نهضة بركان للوداد خلال مونديال الاندية وكاين هناك اتفاق كايبقى شفاوي حيث مازال ما كاينا حتى حاجة مكتوبة، حسب ما كان صرح به محمد طلال الناطق الرسمي للوداد لجورنال “گود”.