كود هناء ابو علي ///
قال مولاي احمد الشرعي فافتتاحية بمجلة “لوبسرفاتور دي ماروك” ان ديك الفكرة ان الرموز اللي خلاتها لينا الاجيال السابقة٬ ما خاصهاش تتغير٬ راه كيقتل ابداع الشباب. اليوم الدفاع عن حرية الابداع حاصها تكون فصلب النضال من أجل الديمقراطية والحقوق والتحرر كيفما كنشوفو٬ فإيران٬ تمرد الشباب للعيش بقواعدهم الخاصة٬ خاص حتى مثقفينا يتقفو على التنازل والتطبيع مع مايفرض عليهم.
واضاف الصحافي والناشر في افتتاحيته ان “التيارات الرجعية شغلها الشاغل تهاجم كل التعبيرات الشبابية وعلى رأسها الراب وتوحيد الفن وجعلو مطبع مع الواقع كيتعتبر خطر، حيث التعبير الفني للشباب دائمًا ما كان ثوري وغالبا كان من وراء او قبل التغييرات الاجتماعية”.
الموسيقى الحضرية فالمغرب بمهرجانها الرائد “البولفار” وستريت آرت، هاد الجداريات اللي كتزين مدننا كتعكس إبداع الشباب٬ يوضح الكاتب الصحافي فافتتاحيتو٬ ويضيف “هي جزء من المدينة والرؤية الجماعية. ايلى حدينا من هاد الابداع راه كنخليو الشباب كيستهلكو نفس الموسيقى واللي مستوردة من الخارج ومكتعبرش لا على الواقع ولا على المجتمع”.
كما ذكر الشرعي ان قمع هاد الابداع ماشي ظاهرة جديدة حيث من قبل تم الاعتداء على الرسامين الأوائل اللي خرجو من مواضيع الخيل والفرسان باش يهمتمو باجساد النساء.
واستشهد فافتتاحيتو محمد شكري وزفزاف٬ اللي تعرضوا للهجوم. لانتقادات خايبة قبل مايوليو أيقونات. واضاف ان الغيوان منعوها من التلفزيون لمدة 10 سنين. لكن في كل مرة كان المثقفون واتحاد الكتاب المغرب والديمقراطيين كيدافعو عن حرية الإبداع والتعبير. هاد الشي ناقصنا اليوم.
ديك الفكرة ان الرموز اللي خلاتها لينا الاجيال السابقة٬ ما خاصهاش تتغير٬ راه كيقتل ابداع الشباب يؤكد الناشر وعليه ف”اليوم الدفاع عن حرية الابداع حاصها تكون فصلب النضال من أجل الديمقراطية والحقوق والتحرر كيفما كنشوفو٬ فإيران٬ تمرد الشباب للعيش بقواعدهم الخاصة٬ خاص حتى مثقفينا يتقفو على التنازل والتطبيع مع مايفرض عليهم”.