كود سبور//
رجع الدولي المغربي أمين عدلي للتداريب مع الفريق ديالو باير ليفركوزن الالماني، بعد غياب لأشهر بسبب الاصابة.
وشارك أمين عدلي، اليوم الثلاثاء فالتداريب ديال باير ليفركوزن، ودار التمارين الرياضية مع صحابو وسط أجواء حماسية وكان فرحان، في إنتظار يشوف الإسباني تشابي ألونسو مدرب الفريق امتى يقدر يخليه يلعب.
وكان الدولي المغربي أمين عدلي تعرض لاصابة خطيرة فماتش باير ليفركوزن الالماني وبريست الفرنسي ضمن منافسات دوري ابطال أوروبا، في أكتوبر الماضي، ودار بسببها عملية جراحية، مع العلم انه لاعب مهم بالنسبة للفريق الالماني ولمنظومة الناخب الوطني وليد الركراكي اللي مؤخرا كان كايعيط له قبل ما يتوعت.