بسبب موجة ترحيل المهاجرين.. سياسي ميريكاني طالب يجريو على المغنية سيلينا غوميز من البلاد. ها كيفاش ردات عليه (فيديو)

وكالات//

ردات سيلينا غوميز على السياسي الجمهوري سام باركر اللي كان طالب بترحيلها بعدما نشرات فيديو عاطفي كتعبر فيه على تضامنها مع ولاد بلادها ضد حملة الهجرة الأخيرة فميريكان.

باركر، اللي كان مرشح سابق لمجلس الشيوخ الجمهوري ف ولاية يوتا، هاجم الفيديو ديال المغنية الأمريكية من أصول مكسيكية ف حسابه على موقع  X، وقال: “خصنا نرحلو سيلينا غوميز”.

لكن غوميز ردات عليه عبر ستوري في الكونط ديالها وقالت: “أوه، السيد باركر، السيد باركر. شكراً على الضحكة والتهديد”.

Selena Gomez shares new Instagram story crying amid the deportation of Mexicans:

“I’m so sorry. All my people are getting attacked. The children, I don’t understand. I wish I could do something.” pic.twitter.com/9H7ojMhpCN

— Pop Base (@PopBase) January 27, 2025

ف الفيديو اللي هاجموه عليه باركر، كانت غوميز كتشعر بالحزن بسبب حملة الترحيل الأخيرة ف ميريكان، وعبّرات عن تعاطفها مع الأطفال المتأثرين ففيديو بانت فيه وهي كتبكي.

وكتبت ف أسفل الفيديو: “آسفة” مع إيموجي ديال علم، وأضافت: “شعبي كيتعرض للهجوم، الأطفال. ما فهمتش. أنا آسفة بزاف، كنتمنى لو كنت نقدر ندير شي حاجة ولكن ما قادرش. ما عرفتش شنو ندير. غادي نحاول كلشي، كنواعدكم.

إقرأ الخبر من مصدره