بعدما فشلو البوليس.. رجل أعمال عتق شخص من الانتحار وهاكيفاش قنعو ميرميش راسو (فيديو)

وكالات//

نجح واحد رجل أعمال أنه يقنع واحد العامل لي كان كاعي بزاف باش ما يرميش راسو من فوق عمارة عالية، بعدما فشلات المفاوضات ديال البوليس والأخصائي النفسي لي دوزو معاه ساعات بلا فايدة.

تفاجأو الناس لي كانو كيدوزو فالساحة العامة فمدينة “كيرشيهير” فوسط تركيا، برجل واقف على حافة سطح عمارة فيها ثمانية ديال الطوابق، وكان ناوي ينتاحر.

البوليس جاو وجابو معاهم أخصائية نفسية باش يقنعو الرجل، اللي سميتو: يافوز إبراهيم، باش ما يديرش شي حاجة.

KIRŞEHİR’DE BUNALIMA GİREREK BİR APARTMANIN ÇATISINA ÇIKAN VATANDAŞ , UZUN İKNA ÇABALARI SONUCU İNDİRİLEBİLDİ. pic.twitter.com/YPROd2EFYH

— Kırşehir Haber Türk (@haber40) January 29, 2025

ولكن من بعد 8 ساعات من المفاوضات، الرجل لي كان غارق فالكريديات وكان عندو مشاكل مع مراتو، كان عازم باش يلوح راسو.

واحد راجل أعمال، سميتو “غوكهان دولقادير أوغلو”، لي كان واقف مع الناس فالساحة وشاف الحادثة، قرر يتدخل بطريقة ديالو وطلب من البوليس باش يسمحولو باش يطلع للسطح ويتكلم مع العامل عن قرب.

وفاش هضر معاه على سطح العمارة، قرر راجل الأعمال يخلص الكريديات ديال العامل، وهادشي خلاه يوافق على النزول. من بعد، نزل من السطح مع الأخصائية النفسية والبوليس.

إقرأ الخبر من مصدره