گود سبور//
حدد الاتحاد الأفريقي لكرة القدم، مواعيد ماتشات ربع نهائي دوري أبطال افريقيا اللي مشارك فيها فريق الجيش الملكي، ومواعيد ماتشات ربع نهائي كأس الكونفدرالية الافريقية اللي مشاركين فيها نهضة بركان.
وقرر الاتحاد الافريقي لكرة القدم، هذا الموسم تأخير مواعيد ربع نهائي المسابقتين بالمقارنة مع المواسم الماضية، واختار ان تلعب مباريات ذهاب ربع نهائي دوري أبطال افريقيا وكأس الكونفدرالية الإفريقية بين فاتح وثاني أبريل 2025، والروتور بين 8 و 9 من نفس الشهر، أما القرعة ديال هذا الدور غاتكون يوم 17 فبراير 2025.
وبالنسبة لمواعيد ماتشات نصف نهائي المسابقتين، فتقرر اجراء مباريات الذهاب ديالها بين 18 و 19 أبريل 2025، والروتور بين 25 و 26 من نفس الشهر، وذهاب وإياب الفينال غايتلعب بين 24 ماي 2025 وفاتح يونيو 2025.