باغا يتشطر على الحكومة وجابها فراسو.. هاكا نتاقمات الصين من راجل مابغاش يبيع ليهم دارو باش يبنيو أوطوروت (فيديو)

وكالات//

ولا الشينوي هوانغ بينغ من مدينة جينكسي هو الحديث ديال الصحافة بعد ما رفض عرض الحكومة باش تشري الدار ديالو اللي كانت فيها جوج ديال الطبقات، باش تبني أوطوروت جديدة.

على حساب مقال موقع “أوديتي سنترال”، الحكومة الصينية عرضت عليه مبلغ 1.6 مليون يوان (تقريبا 220 مليون مغربية) بالإضافة لعقارات أخرى، ولكن هوانغ رفض العرض على أمل يلقى عرض حسن منو.

ولكن الرهان ديالو فشل، حيث قررات الحكومة أنها تبني الطريق ضايرا على الدار ديالو بلاصت ما تلبي المطالب ديالو، والنتيجة كانت أن الدار ديالو ولات معزولة بوحدها وسط لوتوروت.

The stubborn old Chinese man who refused to sell his house for a government project now regrets his decision.

Huang Ping, from Hunan province, hoped for more money but lost everything. The government built a road around his house, leaving it in the middle of a busy street. Now,… pic.twitter.com/it0rYe2fhd

— Ibra (@IbraHasan_) January 25, 2025

القرار هذا خلا هوانغ يكون آخر مالك عقار ف المنطقة، وهو مدور من جميع الجهات بلوطوروت. دابا كيعيش هو وحفيدو اللي عندو 11 عام فـ “المنزل المسمار”، وهو مصطلح كيطلق على الناس اللي كيعارضو بيع ممتلكاتهم للحكومة من أجل مشاريع التنمية.

وواخا الناس لوخرين ف المنطقة قبلوا عرض الحكومة، إلا انه هو الوحيد اللي بقى ساكن ف وسط الطريق.

إقرأ الخبر من مصدره