كود سبور//
خطف لاتسيو الإيطالي الموهبة المغربية رضا بلحيان لاعب هيلاس فيرونا الإيطالي، وغايسني معه فهاد الميركاتو الشتوي حسب موقع “فوت ميركاتو”، وهاذ الشي بعدما كانت منافسة على الخدمات ديالو خصوصا من تشيلسي النگليزي.
وكشف الموقع الفرنسي المذكور، المتخصص في انتقالات اللاعبين والمدربين بأوروبا والعالم، أن لاتسيو قدر يتوصل لاتفاق مع نادي فيرونا فريق رضا بلحيان مول الـ20 عام، بخصوص انتقال لاعب الوسط الدفاعي المغربي إلى صفوفه، وأنه ما بقى غير اللاعب يدير التيست ميديكال باش يسنيو معه.
ووضح “فوت ميركاتو”، أن رضا بلحيان غايدير الفحص الطبي غدا الاثنين، ومن وراها مباشرة غايسني مع لاتسيو عقد المدة ديالو 4 سنوات ونص حتى صيف 2029.
ودوز رضا بلحيان عام مع هيلاس فيرونا الإيطالي، بعدما سناو معه شهر يناير 2024، وجا عندهم من فريق نيس الفرنسي وهو الفريق الأم ديالو.