وكالات//
ردات الإدارة الميريكانية على الفيديو ديال سيلينا غوميز المؤثر اللي بانت فيه وهي كاتبكي على منصات التواصل الاجتماعي، وكتنتقد فيه عمليات ترحيل المهاجرين اللي دارتها إدارة ترامب.
البيت الأبيض نشر فيديو كيعرض دموع سيلينا غوميز، وقارنوه بشهادات مؤثرة لثلاث أمهات فقدو ولادهم على يد مهاجرين غير شرعيين.
الفيديو كيتحول من مشاهد سيلينا الحزينة لشهادات مأساوية ديال الأمهات، وهاد الشي زاد من الانقسام الإعلامي وخلق جدل كبير حول قضية الهجرة في أمريكا.
وكانت سيلينا غوميز، الممثلة والمغنية اللي تزادت ف تكساس من أب مكسيكي، عبرات على حزنها بسبب عمليات ترحيل المهاجرين اللي كاتنظمها الحكومة الميريكانية الحالية.
وبارطاجات سيلينا مشاعرها ففيديو على إنستغرام، لكن الفيديو تِحْذَف بسرعة من بعد ما جابت موجة كبيرة من الانتقادات، حسب ما قالت مجلة “لوبوان” الفرنسية.