وكالات//
حكمو الاثنين، فباريس، على المخرج كريستوف روجيا بالحبس لمدة 4 سنين، بسبب تهم بالاعتداء الجنسي على الممثلة أديل إينيل، فين كانت قاصرة.
وأعلن فاني كولين، واحد من المحامين ديال روجيا، أنه غادي يستأنفو الحكم حيت ما غاديش يقبلو بالظلم.
إينيل (35 سنة) اللي كانت باينة عليها التوتر قبل صدور الحكم، ما بانتش عليها أي ردة فعل عند النطق بالحكم، وحتى روجيا (60 سنة) اللي تجنب يشوفها، ما دار حتى ردة فعل.
المحكمة حكمت على المخرج بدفع تعويض لإينيل القدر ديالو 15 ألف يورو على الضرر المعنوي اللي لحق بيها، و20 ألف يورو على العلاج النفسي اللي خذات على مدى سنوات.
الادعاء كان طالب في 10 دجنبر اللي فات، بالحكم على روجيا بالسجن 5 سنين، والمخرج كان دايمًا كينفي التهم ديال الاعتداء الجنسي على إينيل.