البطولة: تعادل بطعم الخسران بين الحسنية والمغرب التطواني اللي غارقين فالترتيب

كود سبور//

واصل كل من حسنية أكادير والمغرب التطواني حصد النتائج السلبية، وخرجو معادلين فالماتش اللي لعبوه مساء اليوم الجمعة فتيران البشير فالمحمدية برسم الدورة 21 من البطولة الاحترافية.

وسالا الماتش بين حسنية أكادير والمغربي التطواني بنتيجة التعادل الايجابي واحد لواحد، وقدرو الضيوف التطوانيين يماركيو فالدقيقة 27 بواسطة حمزة درعي فالدقيقة 27، والحسنية ماركاور التعادل فالدقيقة 77 عن طريق جمال الشماخ.

ومامزيانش التعادل بالنسبة للفريقين اللي كايعانيو فأسفل ترتيب البطولة، وعند حسنية أكادير 22 نقطة ومحتلين المركز 14 اللي كايلعب الباراج، ومن وراهم كاينين المغرب التطواني المحتلين للمركز 15 ما قبل الأخير المؤدي إلى القصم الثاني، وعندهم رصيد 12 نقطة.

إقرأ الخبر من مصدره