لقاوها جثة هامدة ف دارها.. وفاة صادمة لنجمة “نتفليكس” كيم ساي رون

وكالات//

لقاو الممثلة الكورية كيم ساي رون، اللي عندها 24 عام، ميتة فدارها فمنطقة سيونغدونغ-غو فسيول، حسب ما نقلات صحيفةKorean Herald .

التقارير قالت أن واحد من صحاب الممثلة هو اللي لقاها ميتة خلال زيارة ليها.

البوليس المحلي داير أونكيط فملابسات الوفاة، حيث ما لقاوش أي علامات ديال اقتحام أو شبهة جنائية حتى دابا.

وقال واحد من المسؤولين: “ما كايناش أدلة على جريمة قتل، ولكن لونكيط باقي مستمر”.

كيم ساي رون بدات المسيرة الفنية ديالها وهي صغيرة فـ 2009، وولّات معروفة من خلال الأدوار ديالها فالأفلام بحالThe Man from Nowhere فـ 2010 وThe Neighbor فـ 2012.

ومؤخرا تألقت فمسلسل “Bloodhounds على منصة نتفليكس” فـ 2023، حيث لعبات دور رئيسي فالقصة اللي كتدور حول جوج ملاكمين شابين كيسعاو يسقطو مرابي كييستغل الفقراء.

إقرأ الخبر من مصدره