كود كازا//
فندوة نظمها البرلمان الأوروبي الخميس الفايت حول “حراك الريف”، واللي تحولات لمواجهة حادة بين برلمانيين مغاربة و برلماني أوروبي ترأس الجلسة وهو النائب الهولندي تيجس روتن، عن تحالف التقدميين الاشتراكيين والديمقراطيين.
البرلماني الأوروبي الهولندي اللي ترأس الندوة منع نواب مغاربة من الحديث ، كيفما دار مع هشام ايت منا و زينة شاهيم عن التجمع الوطني للاحرار.
كما تم اقصاء بزاف ديال المغاربة من الحضور للندوة كيفما شار منير الجفالي و الشئ اللي اعتبرو، ممارسة كتحد من حرية التعبير داخل مؤسسة البرلمان الأوربي.
وكانت للجفالي المستشار الدبلوماسي بمجلس النواب فإدارة اللجنة البرلمانية المشتركة المغرب- الاتحاد الأوروبي، مداخلة حط فيها بزاف ديال التساؤلات فحال واش النقاش الدائر بالبرلمان الأوربي حول منطقة الريف له أهداف سياسية يحاول نواب داخل المؤسسة المذكورة إثارتها و خاصة البرلمانيين الهولنديين.
وكيتساءل علاش اقصاء مغاربة ريفيون من مشكل مغربي ريفي، كما اكد على انه ضروري يحضرو مسؤولين مغاربة وانه الى معيطوش لناس من الريف ميمكنش للمشكل يتحل.