وكالات//
مادازش عيد ميلاد بريسيلا تشان لي حتافلات بالربعين من عمرها بشكل عادي، حيث كان راجلها، مارك زوكربيرغ، الرئيس التنفيذي لشركة “ميتا”، حريص باش يخلي المناسبة لا تُنسى بحركة جريئة دار بيها البوز.
مارك طلع على المسرح لابس كوستيم كحل، ولكن ما خلاهاش عليه بزاف، حيث جاوا مساعديه باش يعاونوه يحيدو، وهو يصدم الحضور بلبسة زرقا كان لابسها المغني الأمريكي بينسون بون في حفل توزيع جوائز “غرامي” ديال 2025.
https://www.instagram.com/zuck/?utm_source=ig_embed&ig_rid=39abb666-636a-4ae6-8594-86717efd4991
هاد الحركة ما كانتش بالصدفة، حيث اختار زوكربيرغ هاد البدلة بعدما ثارت انتباه زوجته وهي كتشاهد الحفل.
ومن بعد، زاد زوكربيرغ في المفاجآت: شد الميكروفون، ونقز فوق البيانو، وغنى أغنية Sorry I’m Here For Someone Else، وسط تصفيقات الحضور، في مشهد غريب لعملاق ديال التكنولوجيا.
ونشر مارك الفيديو على الكونط ديالو في “إنستغرام” وكومومنطا وهو كيقول: “زوجتك ما كتبلغش الأربعين غير مرة واحدة! تحية لبينسون بون على البدلة والأغنية الجديدة.”
وما توقّفوش المفاجآت هنا، حيث زوكربيرغ دار خطاب مؤثر وقال: “كل عام كتزيدي شباب وجمال، وأنا كنحبك بزاف.”