كود كازا//

مورا الزلزال لي ضرب الحوز فشهر شتنبر 2023، خرجات فاطمة الزهراء المنصوري، وزيرة التعمير وعمدة مراكش، وعطات وعود كبيرة للناس. قالت ليهم بالحرف: ’’سيدنا وصّانا عليكم” و”جيت لاني صيفطني سيدنا عندكم‘‘.

المنصوري ديك الساعة كانت كتتكلم وكأنها ناطقة رسمية باسم الملك، وجابت معها الحلول من المشوار السعيد لجبال الحوز. ولكن دابا، شهور مورا هاد الزيارة، سكان الحوز باقين فالمعاناة، التساقطات المطرية زادت الوضع سوء، ومكاين حتى وزير ولا مسؤول رجع عندهم يشوف فيهم.

المنصوري فزيارتها الأولى كانت كتواعد الساكنة وطلعات شي مرة ف مراكش هازا الباڤ ديال السلطات فاش كيفرقو شي مظاهرة، كتهدر على تعليمات الملك. ولكن الواقع كيبان العكس: الناس ساكنين فخيام، معاناة، والبرد والشتا زاد عليهم الطين بلة. الوزيرة كانت كتهدر باسم الملك، ولكن اليوم، واش غادي تقدر تمشي عندهم وتقول ليهم “قاليكم سيدنا”؟

ووجد جزء من المتضررين من ضحايا الزلزال أنفسهم عالقين في خيام امتدت على أطراف الجبال، وفاقمت الأمطار الغزيرة التي شهدها المغرب مؤخرا معاناتهم، فالخيام المتآكلة والمناخ القاسي، إضافة إلى تضاريس المنطقة جعلت حياتهم صعبة للغاية وفق شهاداتهم.

وأ ظهرت فيديوهات وثقها صحافيون ونشطاء، زيف الادعاءات والوعود والشعارات التي رفعها عدد من المسؤولين الحكوميين.

المنصوري عندها اليوم اجتماع المكتب السياسي ديال البام. واش غادي تذكر الحوز؟ واش غادي تطرح المعاناة ديال السكان؟ ولا غادي تبقى غير هضرة فالصالونات ووعود بلا وفاء؟.. ولا تلصق كولشي ف رئاسة الحكومة ولا ف الداخلية؟.

فين هي بنت الباشا؟ علاش مارجعاتش عند الناس لي وعداتهم؟ واش كتنوض غير وقت الأزمات وتختفي من بعد؟ الناس فالحوز كيتسناو الفعل، ماشي الوعود والخطابات.

إقرأ الخبر من مصدره