قلبوها مناتفة وسط التيران.. ماتش ديال الفوت نسائي تحول لحلبة مصارعة – فيديو

وكالات//

تيران ديال كرة القدم تحول لحلبة ديال المصارعة بين اللعابات لي قلبوها مناتفة في ماتش ديال دوري الجامعات في ميريكان.

هادشي كامل لأن جوج لعابات من فريقي جامعة لويزيانا ومسيسيبي ضاربو على الكورة في التماس، وواحدة جمعتها مع الأخرى ببونية وتشادو حتى دخلو لاعبات أخريات لي شاركو حتى هوما في لمطايفة.

الأمور تطورات حتى تدخلو المدربين ديال الفريقين لي فرقو الجوقة، والحكم عطا لكل واحدة منهن بطاقة حمراء وزاد المنع من اللعب واحد الفترة.

الفيديو ديال لمضاربة دار البوز على سوشيل ميديا، وتشاركوه بزاف ديال الناس في ميريكان وفي العالم.

LSU – Ole Miss in womens soccer is now the most heated rivalry in the SEC pic.twitter.com/TNvg96ovDy

— Barstool Sports (@barstoolsports) October 31, 2022

إقرأ الخبر من مصدره