كود سبور//
كاينين شكوك بلي منتخب سيراليون لأقل من 20 عام، خصم المنتخب الوطني المغربي لأقل من 20 سنة، فربع نهائي أفريقيا U20 المقامة حاليا بمصر، مزورين أعمار اللاعبين ديالهم.
وكان مدرب تنزانيا لأقل من 20 عام، شارل بونيفاص مكوسا، اللي لعبو ضدهم سيراليون قال فتصريح له من بعد الماتش اللي خسراتو تنزانيا مع السيراليونيين بواحد لزيرو فالجولة 3 من دور المجموعات، أن منتخب سيراليون متلاعبين فالأعمار.
التصريح ديال مدرب تنزانيا راه ما تسوق له حد، ولكن راه خطير بزاف حيث فرگع قنبلة، وإلى كان صحيح خاص سيراليون تتعاقب قبل مواجهة المنتخب المغربي غدا الاثنين فربع النهائي، وإلى كان اتهام باطل خاص مدرب تنزانيا يتعاقب.