كود سبور//
غاديين نهضة بركان فطريقهم باش يكونو اول فريق كايربح النسخة الجديدة من مجسم كأس الكونفدرالية الافريقية لكرة القدم، حيث قرر الاتحاد الافريقي يبدل المجسم الممنوح لبطل المسابقة، ابتداء من الفينال بين نهضة بركان وسيمبا التنزاني برسم موسم 2024-2025، اللي غايتلعب الروتور ديالو بين الفريقين الاحد الجاي بجزيرة زنجبار التنزانية.
وأعلن الاتحاد الأفريقي صباح اليوم الثلاثاء، انه غايمنح الفريق المتوج بلقب كاس الكونفيدرالية الأفريقية هذا العام، كاس جديد، وغايكشف على الكاس كيف داير فوقت لايحق من هاد السيمانا، وقال انه خدام مع مستضيف روتور الفينال فريق سيمبا التنزاني باش الماتش يكون نجاح.
وغايتلعب الماتش بين نهضة بركان وسيمبا التنزاني بملعب أمان في الساعة 4 العصر بالتوقيت التنزاني اللي هي 2 د النهار بالتوقيت المغربي، مع العلم ان نهضة بركان دارو رجليهم الاولى فبوديوم التتويج باللقب الجديد والثالث فتاريخهم بعدما ربحو ماتش الذهاب فبركان بنتيجة 2-0.