وكالات //
رفضات دار الأوبرا المصرية باش يشارك الموهبة لي تكتشفات مؤخر،ا أحمد سالم في فقرة فنية مع المغنية السورية أصالة في حفل كبير دارتو على مسرح الأوبرا.
أحمد سالم لي معروف بلقب “النقاش” لأنه بان أول مرة كيغني وهو مخدم مهنتو الرئيسية ولي هي النقش على الجبص.
الناقد الفني المصري طارق الشناوي كشف تفاصيل الغياب ديال النقاش على الحفل ديال أصالة بشكل مفاجئ، واخة بان معاها في فيديوهات وهوما كيدربو على الفقرة لي غادي يقدمو بشكل مشترك في الحفل.
الناقد الفني قال أن ملحن كبير في اللجنة العليا ديال المهرجان بدا كيلوح بورقة اسمها الوقار، وبنظرة استعلائية اعتبر أن غناء المطرب النقاش كيتناقض مع برستيج الأوبرا، وهادشي لي لغا الفقرة ديال الموهبة الاستثنائية الصاعدة.
وقال الناقد المصري أن أصالة بغات توصل رسالة أن كاع المواهب الفنية كتستحق الدعم واخة تكون جاية من أي بلاصة، ولكن التيار ديال المحافظين ما خلاوش الرسالة ديال أصالة توصل