كريس روك ما بغاش يرجع لمسرح الجريمة.. الأوسكار اختارت مقدم آخر للحفل الجاي

وكالات //

نشر لحساب الخاص بأكاديمية الأوسكار على تويتر والأنستكَرام أنه الأكاديمية اختارت أخيراً ،مقدّم البرامج الشهير جيمي كيميل باش يقدم حفل توزيع جوائز الأوسكار لعام 2023 بدورته الـ95.

هاد الاختيار جا بعدما رفض كريس روك أنه يقدم الدورة 95 واخة عيطات ليه الأكاديمية، وقال أن الرجوع لمسرح الأوسكار بحال الرجوع لمسرح الجريمة، في الإشارة للتصرفيقة لي خدا من عند ويل سميث في الدورة لي فاتت.

كريس روك بهاد التصريح بين أنه باقي ما تجاوزش الأثر ديال الحدث لي وقع في الدورة لي فاتت ديال توزيع الجوائز، واخة اعتذر منو ويل سميث، ولكن التصرفيقة باقي ليها الأثر في النفسية ديالو.

Introducing your 95th Academy Awards host, Jimmy Kimmel. Welcome back!

Tune into ABC to watch the Oscars LIVE on Sunday, March 12th at 8e/5p! #Oscars95 pic.twitter.com/qdFZYFeE2r

— The Academy (@TheAcademy) November 7, 2022

إقرأ الخبر من مصدره