وكالات//
متحف اللوفر في فرنسا طلق حملة ديال التبرعات باش يجمع مبلغ 1.2 مليون يورو ويشري بواطة ديال الذهب كيتحط فيها الكارو كانت ديال السياسي الفرنسي إيتان دي شواسيول، واحد من أبرز الوزراء في فترة حكم لويس 15.
لبواطة الثمينة قال اللوفر أنه ما بغاش يضيعها وبغا يحطها في المعرض، لأنها كلها مصاوبة من الذهب ومن الكريستال وتصاوبت في القرن الثامن عشر لي فات.
لبواطة التاريخية دايرة 3.9 ملايين يورو وقدر لوفر باش يجمع 500 ألف يورو من “جمعية أصدقاء اللوفر”، ومعول على المانحين في فرنسا وخارجها باش يقدر يشري هاد التحفة.
وماشي هادي هي المرة الأولى لي كيطلب للوفر المساعدات من المانحين باش يشري التحف الفنية ويعرضها، وفي 2021 قدر أنه يجمع لفلوس باش يشري واحدة من التحف لي صممها جوفاني أمبرودغيو ميسيروني.
وكانت حملة دارت في 2017 تجمعو فيها 1.5 مليون أورو من 8500 متبرع باش قدر لوفر يشري كتاب تقويم خاص بالملك فرانسوا الأول.