وكالات//
براد بيت، النجم العالمي، كسر الصمت ديالو أخيرًا على موضوع الطلاق ديالو من الممثلة أنجلينا جولي، اللي تسالات رسميا فـ نهاية 2024، بعد سنوات من المشاكل القضائية اللي بدات من نهار تفرقو فـ2016.
فواحد الحوار جديد مع مجلة GQ، هضر بيت، اللي عندو دابا 61 عام، على الفيلم الجاي ديالو اللي كيتعلق بسباقات الفورمولا 1، وتكلم شوية على موضوع الطلاق، ولكن رفض يوصف التسوية على أنها شي حاجة كبيرة فحياتو، وقال: “لا، ما كنضنش أنها كانت حاجة مهمة بزاف. راه غير إجراء قانوني وسالينا منو.”
أنجلينا جولي كانت هي اللي بدات إجراءات الطلاق فشهر شتنبر 2016، من بعد واحد الحادثة اللي وقعات فطيارة خاصة، وكان كاين اتهام لبراد بيت بلي أساء المعاملة ليها ولولادهم، ولكن من بعد التحقيق، ما توجهتش ليه حتى تهمة.
براد وأنجلينا كانو مزوجين وعندهم ستة ديال الولاد: مادوكس، باكس، زهرة، شيلوه، نوكس وفيفيان، ودازو من واحد الصراع طويل على الحضانة وتقسيم الممتلكات، وكل مرة كانت كتخرج تسريبات فالإعلام على المشاكل اللي بينهم وبين ولادهم.