كود سبور//
باغيين المنظمين ديال الماتش الودي بين المنتخب الوطني المغربي والبنين، تدوز المباراة مزيان غدا الاثنين فتيران فاس، وما تكونش مشاكل فالدخول للملعب كيفما وقع فالماتش ضد تونس الجمعة الماضية.
وخرجت اللجنة المنظمة لماتش المغرب والبنين فبلاغ لها، دعت فيه الجماهير اللي غاتجي تحضر المباراة إلى احترام الترتيبات التنظيمية والتعليمات الأمنية، لضمان مرور المباراة في أجواء رياضية راقية تعكس الروح الحضارية للجمهور المغربي.
وناشدت اللجنة المنظمة جميع المشجعين اللي ما عندهمش تذاكر الماتش، باش ما يجيوش لتيران فاس الكبير فالماتش، وأكدت أن عدد التذاكر المطروحة يعادل الطاقة الاستيعابية للمقاعد المتوفرة، وهذا الشي حفاظا على سلامة الجميع وتفاديًا للاكتظاظ.