وكالات//
قررات السلطات الروسية باش تنقل لاعبة ديال الباسكيط الميريكانية بريتني غراينر للحبس العقابي، في العاصمة الروسية موسكو.
وحكمات روسيا على اللاعبة بـ9 سنين ديال الحبس بتهمة تهريب المخدرات بسبب حيازتها لقرعة ديال زيت الحشيش، وهادشي لي طلع الدم للإدارة الميريكانية.
وزير الخارجية الميريكاني أنتوني بلينكن وبسبب موضوع هاد لعابة تواصل مع روسيا باش يقترح اتفاق إطلاق سراحها رغم التوتر بين واشنطن وموسكو بسبب الحرب على أوكرانيا.
غراينر هي واحدة من أفضل لاعبات ديال الباسكيط في ميريكان، وطاحت ضحية ديال الأزمة السياسية بين البلدين، واخة اعترفت أن الكمية لي جايبة معاها ديال العلاج فقط.