كود الداخلة ///
ناضت هاد ليام على مارشي كبير فالتواصل والعلاقات العامة عند المكتب الوطني للسياحة. كانو 5 شركات كيتنافسو ودابا بقاو 4 بعد انسحاب وحدة. لكن التواصل والعلاقات العامة كتحكم فيها شي وحدة كانت صحافية هادي سنوات ورجعات بشي موقع على السياحة. هادي كتحكم فهاد المكتب ايام المدير السابق ومازال كتحكم فيه.
كدير دابا نفس الخدمة اللي ما عندها علاقة بالصحافة مع المكتب الوطني للمطارات. كتوليي شي حوايج ماشي سوقها.
كانت دارت ازمة فسنة المغرب فقطر باش فتات على مندوب المغرب عادل الفقير يقصي الصحافة اللي كتكتب بالعربية واخا هاديك الامية ما كتعرف لا العربية لا حتى الفرنسية اللي كتخرج فيها التخربيق ديالها.
دابا المكتب الوطني للسياحة والمكتب الوطني للمطارات مازال مخدمينها. صحف بالعربية كتوجد تقاطع انشطة المكتبين طالما هادي هي اللي محكمة