أشرف حكيمي تقلق حيث صاحبو الصبليوني راموس ماغاديش يلعب كأس العالم

كود سبور//

بادر الدولي المغربي أشرف حكيمي للدفاع على صاحبو الصبليوني سيرجيو راموس اللي كيلعب معه فباريس سان جيرمان الفرنسي، من بعدما حيدوه من لائحة منتخب الصبليون المشاركة فكأس العالم قطر 2022.

النجم المغربي أشرف حكيمي ما عجبوش الحال حيث الصبليون ما عيطوش على سيرجيو راموس صاحبو من أيام ريال مدريد وأكد أن بلاصتو كاينة فالمنتخب الصبليوني وتضامن معه وقال فتويتر: “سيرجيو راموس أفضل مدافع فالعالم”.

وغادي يغيب الدولي الصبليوني سيرجيو راموس على كأس العالم قطر 2022، وهي البطولة اللي شارك فيها من عام 2006 وربحها عام 2010، وهاذشي بقرر من لويس إنريكي مدرب منتخب الصبليون اللي ما عيطش له.

Sergio Ramos Best defend in the world ????????

— Achraf Hakimi (@AchrafHakimi) November 11, 2022

إقرأ الخبر من مصدره