كود سبور- فيلادلفيا//
عبر الإسباني بيب گوارديولا مدرب مانشستر سيتي النگليزي على الاحترام للوداد الرياضي قبل ما يلعب ضدهم فالجولة الاولى من دور مجموعات كاس العالم للاندية، وعلى احترام الكورة المغربية.
وقال گوارديولا فتصريح له قبل الماتش بين الوداد الرياضي ومانشستر سيتي النگليزي: “الاندية ديال شمال أفريقيا عندهم اللعب زوين، وراه المنتخب المغربي دار مونديال خيالي عام 2022، وكانحتارمهم بزاف”.
وكمل گوارديولا: “تفرجنا فالوداد وشفنا الماتشات ديالهم بجوج ضد إشبيلية وبورتو، واخا خسرو ولكن خلقو بزاف ديال الفرص، دابا حنا مركزين على الفريق ديالنا، وباش اللاعبين الجداد حتى هما يعرفو شنو باغيين، ونربحو الماتش”.