ماخلاهش يشعل كارو ويكمي فوسط التران.. تركي قتل حارس أمن وسيفط لاخر للسبيطار (فيديو)

وكالات//

هاجم راكب معصّب جوج ديال الحراس ديال الأمن فمحطة ديال القطار فمدينة إزمير التركية، من بعدما منعوه يشعل كارو وسط العربات؛ وهاد الهجوم خلا واحد فيهم يموت والآخر تصاب.

الواقعة كانت نهار الاثنين اللي فات، ومن بعد ساعات فالسبيطار، توفى الحارس اللي كان عندو 44 عام، بسبب الإصابة الخطيرة اللي تعرض ليها.

İZBAN güvenlik görevlisi Seydihan Alsaç’ın hayatını kaybettiği olaya ilişkin güvenlik kamerası görüntüleri ortaya çıktı. pic.twitter.com/6ND9mDWUgt

— İZMİR’İN NABZI (@izmirinnabzii) June 18, 2025

أما الحارس الثاني، تعالج فالسبيطار حتى هو، ولكن إصابتو ما كانتش خطيرة، حسب ما قالت وسائل الإعلام.

وكان كاين فيديو توثق فيه لحظة من المدابزة، وبان فيه الراكب اللي عندو 37 عام، ما كانش معاه سلاح، ولكن هجم على الحراس فالمحطة منين بغاو يخرجوه من العربة حيت كان كيشعل السجائر.

إقرأ الخبر من مصدره