وكالات//
راجل ميكايلا راينز، الناشطة الميريكانية ومؤسسة منظمة “أنقذوا الثعلب”، علن على وفاة مراتو بشكل مفاجئ بسبب الانتحار وهي عندها 29 عام، وقال بلي كانت ضحية حملة تنمر إلكتروني قاسية.
ميكايلا، اللي كانت معروفة بالشغف ديالها فإنقاذ الثعالب والحيوانات البرية، عندها ملايين المتابعين فالإنترنت، حيث عدد المشتركين ف قناتها على “يوتيوب” كثر من 2.4 مليون، وكاين حتى أكثر من نصف مليون متابع ف”إنستغرام”.
@metrouk
راينز أسست المنظمة ديالها اللي ما شي ربحية ف 2016 فولاية مينيسوتا، وسرعان ما وسعات العمليات ديال الإنقاذ ديالها حتى ولاّت كتهم بزاف ديال الولايات فمريكان، وكرّسات مجهوداتها لمساعدة الحيوانات النادرة والمهددة، وهي بدات التطوع فهاد المجال منين كان عندها 15 عام.
فواحد الفيديو مؤثر نشره زوجها إيثان فمواقع التواصل، كشف بلي ميكايلا كانت كتعاني من مشاكل نفسية كبيرة فالأشهر الأخيرة، بحال الاكتئاب، والتوحد، واضطراب الشخصية الحدية.
وقال بلي كانت كتخضع للعلاج النفسي وكتاخد أدوية لسنين، ولكن الضغوطات ديال الإساءات والتنمر، حتى من بعض الناس اللي كانت تعرفهم، زادت فحالتها سوء.
إيثان، وهو باكي، قال: “كانت شخصية حساسة بزاف، والشائعات الكذابة ضروها بزاف. حاولت تصبر على الألم سنوات، ولكن هاد المرة ما قدرتش”.