وكالات//
دار هجوم مفاجئ نمر متوحش فواحد المصنع ديال الطوب فـ ولاية أوتار براديش فالهند (دار) حالة من الصدمة والرعب، بعدما هجَم على واحد العامل من وسط مدخنة كان مخبّي فيها، وهادشي كامل توثق فالكاميرات وانتاشر بسرعة فـ مواقع التواصل.
العامل، اللي سميتو ميهلال وعندو 35 عام، تصدم فاش هجم عليه النمر وهو خدام فمصنع محلي فـ دوّار سميتو جوجونبور، وما كان لا هو لا صحابو عارفين بلي الحيوان مخبّي فالمدخنة. ولكن المفاجأة ما كانتش غير فالهجوم، بل حتى فـ ردّة فعل العامل اللي بان عليه الشجاعة، وبدا كيقّاوم النمر بيديه بلا سلاح، وما بغاش لا يهرب لا يستسلم.
धौरहरा के ग्राम बबुरी स्थित ईंटें के भट्ठे पर एक तेंदुए से मुकाबला करते जो मजदूर घायल हुआ है उसके अच्छे से अच्छे इलाज-उपचार की व्यवस्था की जाए।
भाजपा राज में वनों को लूटने के लिए लगातार बढ़ता हुआ, जो बेतहाशा अतिक्रमण किया जा रहा है, उसकी वजह से ही जंगली जानवर बस्तियों में आने… pic.twitter.com/FeRU61h2E2
— Akhilesh Yadav (@yadavakhilesh) June 24, 2025
فوسط الصياح وطلب النجدة، تّجمعو شي عمال آخرين باش يعاونو زميلهم، وبداو كيرميو الحجر والطوب على النمر، حتى هرب ومشا كيجري لواحد المزرعة ديال الموز قريبة، وسط حالة ديال الذعر والهلع.
ولكن الخطر ما سالاش هنا. فالوقت اللي كانت فيه فرق الغابات والبوليس كيقلبو على النمر، دار هجوم ثاني وجرح بعض أفراد الفريق، وحتى واحد من السكان اللي كان كيساعدهم تصاب.
وفي نفس النهار، قدّرات فرقة مشتركة تقوم بعملية دقيقة ودارو تخدير للنمر وسيطرو عليه بلا ما يتصاب حتى واحد آخر.