مشاركة كارثية للوداد فالمونديال: ما قدروش تاني يربحو أول ماتش فكأس العالم وآيت منا غرق الحمرا بالتسيير العشوائي وعطاها للتصاور الخاويين فالميريكان

گود سبور- واشنطن//

فشلو الوداد الرياضي مرة اخرى في تحقيق أول رباح فمونديال الأندية المقام فالميريكان وخسرو مع العين الإماراتي فالجولة الثالثة من دور المجموعات.

وسالا الماتش بين الوداد الرياضي والعين الإماراتي اللي تلعب فتيران “أودي” بالعاصمة الميريكانية واشنطن، بنتيجة 2-1.

وبهذه النتيجة خرجو الوداد الرياضي من الدور الاول، والفريق تاني ما قدرش يحقق أول رباح له فتاريخ المشاركات ديالو فالمونديال.

ويتحمل هشام ايت منا المسؤولية فهاد النتائج الكارثية والمستوى اللي بان به الوداد خصوصا قدام العين ويوفنتوس، بينما الاداء كان امام مانشستر سيتي مقبول.

هشام ايت منا هو اللي دوز الموسم الماضي فالتسيير العشوائي بالوداد وجاب المدرب الجنوب أفريقي رولاني موكوينا اللي اللعب ديالو ماشي بحال أسلوب الوداد.

ايت منا بان بالفعل انه لا علاقة له بالتسيير الرياضي، وانه شد الوداد غير باش يبقى عاطيها للإصرار الخاوين والبوزات، وحتى الصفقات اللي دار اغلبهم فاشلين وكلفو خزينة النادي، اللي غايخلص الثمن غالي والجمهور الودادي اللي كايبغي الفريق ديالو هو الضحية.

إقرأ الخبر من مصدره