كيعاودو عليه واعر.. نتلفيكس علنات على موعد عرض مسلسل “تايغر” الكوري

وكالات//

أعلنت منصة “نتفليكس” أنها غادي تعرض مسلسل كوري جديد بعنوان Trigger، واللي منتظر يخرج للعالم كامل نهار 25 يوليوز 2025. هاد المسلسل كيتطرق لموضوع غير معتاد فـ الدراما الكورية، بحيث كيهدر على انتشار مفاجئ وغير قانوني للأسلحة النارية فبلاد معروفة بالقوانين الصارمة ديالها ضد حمل السلاح.

المسلسل من نوع الأكشن والتشويق، وكيصوّر واحد الصورة سوداوية على كوريا الجنوبية، فوقت كيتزايد فيه العنف وكيولّيو حالات إطلاق النار كيوقعو وسط فوضى ما متعوداش عليها البلاد.

البطولة كيقودها الممثل كيم نام-غيل اللي كيلعب دور “لي دو”، قناص سابق فـ الجيش وولات عندو خدمة كمحقق فـ البوليس، وكيبدا مهمة خطيرة باش يعرف منين كيجيو هاد الأسلحة ويحاول يوقف هاد النزيف الدموي اللي كيولي كيزيد.

وشاركو فـ البطولة كيم يونغ-كوانغ، اللي كيلعب دور “مون بايك”، راجل غامض وهادئ، ولكن وراه أسرار مقلقة.

كاتب ومخرج المسلسل هو كوون أوه-سيونغ، اللي معروف بالفيلم ديالو Midnight، واللي كان ناجح فـ مهرجان Fantasia.  كوون وصف العمل بأنه محاولة باش يتخيلو واحد السيناريو: “شنو يقدر يوقع إلا كان عند كلشي سلاح؟”.

إقرأ الخبر من مصدره