كود الرباط ////
https://web.facebook.com/Goudmediaa/videos/1057250823048478
البارح الخميس 26 يونيو 2025 كانت سهرة للعراقي كاظم الساهر فمهرجان “موازين” بمسرح محمد الخامس وسط العاصمة الرباط. سهرة جابت عدد اكبر من اللي خاصو يكون. هادي مشكلة ديال ادارة مسرح محمد الخامس. ادارة اللي كيشرف عليها من 13 يونيو 2019 محمد بنحساين.
مدير همو الاول هو يرضي وزيرو المشرف على القطاع البامي محمد بنسعيد. خدمتو كلها ارضاء ليه ومخلي هاد المعلمة كتكرفص.
برمجة سهرات موازين فهاد المسرح كان خطأ ولكن المسرح الملكي عندو مسؤولية فهاد الخطأ. سهرات بحال ديال كاظم الساهر خاصها تكون فمسرح كبير بحال المسرح الملكي. ما فهمناش علاش مازال ما دشن واخا تكون مجلس ادارتو هادي مدة
سهرة البارح عرفات فوضى. تصورو جابو كراسى لعراسات باش يبركو المدعويين. كيفاش دخلو؟ اللي معروف ان الادارة ديال موازين” ما يمكنش دير هاد الخطأ. شكون دخلهم. واش بصاح عندهم تذاكر
من غير هاد الشي ديال كراسى لعراسات، كان مشاكل فالاضاءة. مشاكل فالصوت.
حشومة سهرة راها تهين المغرب. قبل هاد السهرة كانت سهرات اخرى فمسرح محمد الخامس فيها نفس المشاكل.
عليها خاص محاسبة مهدي بنسعيد وطبعا محاسبة مدير مسرح محمد الخامس