كود كازا ///
فضايح ايت منة رئيس الوداد ما مرتابطاتش بالمشاركة الكارثية للحمرا بتاريخها المجيد، عندها علاقة حتى بالتسيير. الوداد دخلات فلوس صحيحة من مشاركتها فالمونديال الامريكي للاندية، ومع ذلك وقع حجز على جوج كيران ديال النادي الاشهر فالمغرب.
اليوم كاينة فضيحة اخرى، فحسب مصادر “كود”، ايت منة بصفتو رئيس للوداد حول 2.6 مليون درهم من حساب النادي، فرع كرة السلة لحساب نائبو عصام لعسل. مول الدوا كان كيتسالهم الوداد. لعسل كان عطى هاد المبلغ للوداد.
طبعا هاد الشي كيتعارض مع دورية دارها رئيس الجامعة باللي اي مسؤول عطى شي فلوس للنادي راها هبة ما يمكنش يرجعها النادي للشخص.
ايت منة باش يتجنب لمضاربة مع لعسل مول الدوا اللي حتى هو طامع فرئاسة الوداد، عطاه هاد 260 مليون سنتيم.
رئيس الوداد كان دار فضيحة واهانة للنادي ولتاريخو باش دخل ولدو باش مشى المكتب لعمدة كولومبيا. فرحان يسحاب ليه هو ايلون ماسك. هان المكتب وهان كلشي
دابا هاد الشي كولو غادي يتفرگع نهار الاثنين فاجتماع النادي. كاينة قرارات كثيرة غادي ياخذوها المنخرطين