كود الرباط//
حصلت “گود” على معطيات حصرية حصلات حول ظهور المغني المغربي benny adam البارح فمنصة السويسي العالمية ودعوتو لإعطاء حكيمي البالون دور العالمي، بحيث تواصل فأبيل فيديو مع أشرف حكيمي من بعد الحفلة.
وحسب معطيات گود، اللعاب حكيمي عجبو الحال بزاف وشكر المغني على الدعم ديالو وقال ليه بلي تايعرف الأغنية وبغا يتلاقاه فالمغرب فالمستقبل.
المغني فرح بزاف وقال لحكيمي أنه فخور يهضر معه وتمنى لأشرف التوفيق والنجاح وأنه يربح البالون دور هاد العام والعام لي موراه وقال لحكيمي أنه مي طلع للمنصة بالمايو ديال حكيمي ناضت البلبلة.
أشرف حكيمي عجبو الحال بزاف وشكر المغني والجمهور على الدعم ديالهم.
الرابور المغربي benny adam مول الأغنية لي تشهرات بزاف موك يا موك، طلع البارح فمنصة السويسي فمهرجان موازين وأصبح أول مغربي تايطلع يغني رسميا فهاد المنصة قبل من طوطو لي غايطلع مساء اليوم.
واخا ما طلعش كمغني رسمي ولكن باش طلع تغني فهاد المنصة راه إشهار عالمي لهاد المغني المغربي الشاب لي عندو مستقبل واعد من بعد ما عرض عليه رسميا الديجي lost frequencies لي عندو أغاني عالمية بزاف وفايتة 500 مليون مشاهدة فكل كليب.
أكثر من هذا المغني benny adam لبس تيشورت ديال حكيمي فيه حكيمي بالون دور عالمي وحتى الديجي العالمي lost frequencies تاهو لبس المايو ديال حكيمي فإشهار كبير للمغرب والمغاربة وهادشي كولشي فالصفحات ديالهم. وكذلك تصاور حصرية توصلت بها “گود”.