وكالات//
اليوتيوبر المصري المعروف أحمد الغندور، مقدم البرنامج الشهير “الدحيح”، ولى فـ وجه اتهامات كثيرة بتشويه الحضارة الفرعونية، بسبب الحلقة الأخيرة ديالو اللي دار فيها عنوان: “نهاية الفراعنة – ألف سنة من الانهيار”.عدد كبير من علماء الآثار والمختصين فالتاريخ القديم خرجو كينتاقدو الحلقة، وقالو أن فيها معلومات غالطة وأخطاء تاريخية خطيرة.
لكن الأمور ما وقفاتش هنا، حيث كاين بعض النشطاء فـ مواقع التواصل الاجتماعي مشاو بعيد، وقالو أن هاد الأخطاء ماشي عفوية، بل متعمدة، وراها نية باش يتم طمس عظمة التاريخ الفرعوني، على حسب كلامهم.
الحلقة كتتكلم على الأسباب اللي خلات الحضارة الفرعونية تضعف وتتفكك، كيفاش كانوا الأقاليم كيبغيو يستقلّو ملي كيضعف الحكم فـ العاصمة، وكيكثرو السرقات والفوضى، حتى كيجي حاكم قوي كيرجع يوحّد البلاد.