كود الرباط ///
علمت “كود” باللي حفل طوطو فالسويسي فاختتام مهرجان موازين البارح السبت 28 يونيو 2025 حضر ليه 300 الف متفرج. بهاد الرقم غادية تكون الخشبة ديال السويسي حققات رقم قياسي فتاريخ سهرات هاد المهرجان من نهار بدا. 
وفق مصادر “كود” فالستاتي جلب اكبر عدد من الجماهير البارح فسلا. قدر يجي ليه، وفق مصادر “كود” قرابة 400 الف متفرج. فيما جابت المصرية شيرين فالنهضة 200 الف شخص.
الرباط كانت عامرة بزاف بزاف بزاف. لمغاربة من كاع المدن خاصة كازا جاو يحضرو. هادا اللي كيفسر الاعداد لكبيرة
كانت مشكلة البارح فالتنظيم. كانو متفرجين عندهم تذكرة “بلاك” اللي ثمنها يصل 2800 درهم وما دخلو لسهرة طوطو حتى تعذبو وباش دخلو ما كانش عندهم فين يوقفو. فسهرة شيرين ما قدروش يدخلو حتى الدخول