وكالات//
كاميو كبير بلا سائق، دخل لشي حومة فمدينة إسطنبول وتسبّب فخسائر كبيرة بعدما جرف 23 طوموبيل، ولكن المعجزة هي أنه ما كان حتى مصاب!
فيديوهات وصور نشراتهم بزاف ديال وسائل الإعلام التركية، ورّاو لقطات صادمة من الحادث اللي وقع فزنقة سكنية فمنطقة “باشاك شهير” فإسطنبول.
İstanbul Başakşehir’de sürücüsünün kontrolünden çıkarak yokuş aşağı kayan vinç, park halindeki 23 araca hasar verdi. pic.twitter.com/tL5R680LbL
— TRT HABER (@trthaber) July 5, 2025
الكاميو كان واقف فواحد الشانطي فزنقة هابطة، وفجأة بدا كيمشي بوحدو وبسرعة، وولا كيدوز على الطوموبيلات اللي واقفين فالجناب، وحتى الطوموبيلات طاحو على الحيطان والمباني.
الواقعة كانت فالعشية، والكاميو كان خدام فواحد الورش ديال البني قريب من الحومة، ولكن لحسن الحظ، ما كان حتى واحد فالطوموبيلات، والناس اللي كانو قراب شافو الكاميو جاي وهربو فآخر لحظة.