كود الرباط تصوير حسني دكالي ////
اليوم دار بولعجول مدير الوكالة الوطنية للسلامة الطرقية ندوة صحافية. بولعجول كيبعنا لعجول كيف قلنا ف”كود” ونكرروها. هاد المسؤول بوقاحة جا يقول باللي عدد الوفيات فحوادث السير ف2024 طلعات ب5.37 بالمائة. اييه حسب هاد المسؤول اللي ما مسؤول على والو “فتنا 4 الاف قتيل” فلكسايد.
اخطر من هاد الشي. بوجهو حمر جا كيقول باللي ف5 الأشهر الاولى ديال هاد العام عدد القتلى طلعو ب20 بالمائة
تصورو السيمانا اللي فاتت وحسب بيان للادارة العامة للامن الوطني مات غير فالمدن المغربية =المجال الحضري اللي كيكون فيه البوليس= 33 قتيل. فسيمانا وحدة. بهاد الوتيرة غاديين نفوتو ف2025 ارقام 2024
ذكاء هاد المسؤول غير الذكي قاليك اه كاينة مشكلة فلماطر وباللي غادية تبدا المراقبة التقنية لتربورتور ولماطر لخراين.
السي بولعجول فشلتي فمديرية اسمها “السلامة الطرقية”. معاك ماتو لمغاربة كثر. ماشي غير خاص يجريو عليك. خاصك تتحاسب اولا.
تحليلك باسباب حوادث السير انتقائي. ما قدرتيش تجبد الرشوة ديال اللي كيراقبو طرقاننا. بلاصتك ماشي فهاد المديرية
السيد مقابل غير يتبندر فالاعلام. فاشل