وكالات//
علن النجم الميريكاني مايكل دوغلاس، اللي عندو 80 عام، أنه غادي يبعد شوية على التمثيل، وقال أنه ما ناويش يرجع للشاشة فهاذ الوقت، إلا إلى جا مشروع “استثنائي” يحمّسو.
هاد التصريح دارو فمهرجان كارلوفي فاري السينمائي فالتشيك، فواحد الندوة الصحفية، وقال بأنه ما دار حتى عمل من 2022 عن قصد، وزاد: “فهمت باللي خاصني نحبس شوية، حيث خدام تقريبا 60 عام بلا توقف، وما بغيتش نكون من الناس اللي كيسقطو فالبلاطو قدام الكاميرا”.
ووضح أنه ماشي كيعلن التقاعد الرسمي، ولكن ما كيشوفش راسو يرجع يمثل إلا إلى لقا مشروع يحمّسو بزاف. ودابا، كيركز على حياتو الشخصية، وعلى العلاقة ديالو بمراتو النجمة كاثرين زيتا جونز، اللي مزوج بيها قرابة 25 عام، وقال ضاحك: “أنا فرحان نكون فدور الزوجة باش نحافظ على زواج سعيد”.