وكالات//
وقع هجوم مفاجئ من طرف سرب ديال النحل فبلدة أورياك الفرنسية صباح الأحد، وتسبب فواحد الحالة ديال الفوضى، بحيث بدا النحل كيهاجم الناس اللي دايزين فالزنقة بشكل متتابع فمدة ما كتجاوزش نص ساعة، وخلّى 24 شخص مجروحين، من بينهم ثلاثة حالتهم كانت خطيرة وتنقلو للسبيطار.
من بعد الحادث، تحركو فرق البومبية والإسعاف بسرعة للمكان باش يقدمو المساعدة للضحايا، والبوليس دارو طوق أمني فالمنطقة اللي وقع فيها الهجوم. السلطات قالت أن النحل حبّس الهجوم مباشرة منين تدخلو فرق الطوارئ.
« C’était impressionnant de par le nombre de victimes concernées, la gravité de certaines et l’affolement des gens » : le lieutenant colonel Cayla revient sur l’intervention des secours après l’attaque de 24 personnes par un essaim d’abeilles à Aurillac #BonjourLaMatinaleTF1 pic.twitter.com/1ZiWiA9KZ6
— TF1Info (@TF1Info) July 7, 2025
العمدة ديال البلدة، بيير ماثونير، قال فتصريح إن السلوك العدواني ديال النحل ممكن يكون عندو علاقة بالدبابير الآسيوية اللي من سنين وهي كتهدد خلايا النحل، وقال باللي هاد الحشرات كانت مرصودة فوق سطح واحد الفندق فوسط البلدة من أكثر من عشر سنين، وهاد الشي يمكن هو اللي خلا النحل يتقلق ويهاجم.
ورغم خطورة الموقف، طمأن العمدة السكان وقال: “كلشي سالا بخير، والتدخلات كانت منسقة ومضبوطة”، وزاد قال بللي ما كانتش شي حالة كبيرة ديال الهلع وسط السكان، ولكن كاين عدد من الناس تصابو بجروح مختلفة اضطرات تنقلهم للسبيطار.