فهم تسطى.. رجوى السهلي عايشة بيليكي في مهرجان مراكش وكدير الشعبوية باش طلع الكونط على ظهر بنادم

هند الكلاوي- كود مراكش ///

هادي جوج سيمانات بالحساب خرجات رجوى السهلي لي مشهورة في انستكَرام ومعندهاش شي صفحة نقدموها بها من غير انها مانكان كتجيش في الناس وطالقة هاشتاكَ “لا للغلاء الأسعار في المغرب” بلاما تعرف ولا تفهم الأسباب الحقيقية، لكن هاد اليوماين نسات الغلاء وعاطياها التفطاح والعياقة على الناس في طابي روج ديال مهرجان السينما في مراكش.

السيدة ما عندها علاقة بالسينما وجالسة تتفطح فمراكش بيليكي وكدير الشعبوية باش طلع الكونط ديالها. واش لي مقصحهم الأثمنة لا طالعة حاضرين في طابي روج. السيدة لي الريح لي جات تديها واكلة شاربة بالمال العام دابا فالمهرجان وكل نهار دايرة لبسة وكَالسة تعيق على المتابعين بالشعر والماكياج.

السهلي لي كتدير الشعبوية باش طلع الكونت ديالها في انتسكَرام ولي باغة تبين أنها مع الشعب، نسات أو واقيلة تناسات الناس لي مقصحاهم الوقت ديال بصح وهي كتفطح عليهم بالذهب والكساوي والقفاطن لي ساوين فلوس صحيحة.

بزاف المشاهير لي عندهم متابعين كيكونو عندهم وذينة وحدة. كيدويو في مواضيع مفاهمينهاش ومعندهمش عليها معلومات كثيرة. الريح لي جات تديهم. وحيت مكيخدموش العقل كيبداو داوين خاوين حيت كيخافو الناس لي متابعينهم يحيدو المتابعة. وفي عالم الأنلفوانسر كل متابع كيساوي فلوس صحيحة. المتابع هو رقم صحيح في عالم الاشهار.

https://www.instagram.com/p/Ck6p33JD732/

https://www.instagram.com/p/Ck6hObEqZbY/

https://www.instagram.com/p/Ck4EnpDqyZc/

https://www.instagram.com/p/Ck1UQDoqgym/

https://www.instagram.com/p/Ck4B2l3KARz/

إقرأ الخبر من مصدره