سرب ديال النحل هجم على ركاب طيارة فالهند.. وعطلها كثر من ساعة (فيديو)

وكالات//

فواحد الحادثة الغريبة، تأخرت رحلة ديال الطيارة ديال شركة “إنديغو” اللي كانت غادية من سورات لجايبور، لأكثر من ساعة، بسبب سرب ديال النحل اللي تجمع قرب باب ديال الشحن المفتوح فطيارة من نوع إيرباص ديال الشركة.

الطيارة اللي من نوع “إيه 320″، كانت خاصها تقلع من سورات مع الـ4:20 ديال العشية، ولكن فاشلات تقلع حتى لـ5:26، يعني تأخرات ساعة كاملة، رغم أن الرحلة فحد ذاتها كتدوم ساعة وحدة فقط.

وحسب المعلومات اللي وصلات لتلفزيون “إن دي تي في” المحلي، الركاب كاملين كانوا راكبين فالطيارة، وداك اللحظة كانت الأمتعة كتتحمل، حتى قرر سرب ديال النحل يوقف يرتاح فوق باب الأمتعة المفتوح، وهادشي خلا الرحلة تتعطل.

إقرأ الخبر من مصدره