گود سبور//
نفى رابور ديزي دروس انه كايتسال شي فلوس للوداد الرياضي ديال شي حفل كان غايكون ضمن استقبال الفريق الأحمر لمجسم كاس العالم للاندية قبل اشهر.
وخرج ديزي دروس فسطوري على إنستغرام ديالو، ونفى واش كايتسال فلوس للوداد الرياضي، طالب اللي كاينشرو بحال هاد المغالطات والإشاعات تحمل مسؤوليتهم حيث كايطيحوه فمشكل مع بنادم، واكد انه ما بينو بين الوداد والو وانه مشجع ودادي والسلام.
وكانت راج فشي مواقع ان كل من الديزي دروس وطوط كايتسالو شي فلوس حيث كانوا غايشاركو فحفل استقبال الوداد الرياضي لمجسم مونديال الاندية، وهو الحفل اللي ما بقاش تقام.