وكالات//
شدو البوليس ديال بريطانيا البريطانية أفراد عصابة تورّطو فسرقات ديال ساعات فخمة، بعدما طاحو ففخ نصبوه ليهم البوليس اللي كانو متنكرين فشكل زوجين أغنياء لابسين ساعات مقلدة، فخطة محبوكة باش يطيحو بالجناة.
الكاميرات ديال المراقبة وثّقات لحظة سرقة المتهم الجزائري يعقوب هركت، اللي عندو 21 عام، لساعة “باتيك فيليب” مقلدة من يد شرطية فحي “مايفير” فمدينة لندن، فشهر أكتوبر اللي فات.
الفيديو كيبان فيه وهو كيحاول يهرب من بعد ما تصادم مع واحد من البوليس المتنكرين، لكن تشدّ من بعد.
التحقيقات وصلات لتوقيف جوج من الشركاء ديالو فالبلاصة، بينما جوج آخرين هربو، وتحاكمو من بعد وهما غايبين، وهما يانيس عمري (37 عام) وعادل محمدي (31 عام). وحتى محمد ناس (35 عام) تحاكم وتدين من بعد محاكمة دازت على ثلاثة أيام.
القاضي جاك ألغازي وصف الجريمة بأنها “منظمة بزاف والدافع ديالها هو الطمع”، وحكم على يعقوب هركت بعامين ديال الحبس، ومحمد ناس بثلاث سنين، مع إمكانية يخرجو بشروط من بعد ما يقضيو نص العقوبة.