دارت أرقام قياسية ف أيام قليلة.. فرقة موسيقية ديال الذكاء الصناعي نوضات الروينة ف العالم

وكالات//

قدرات فرقة الروك “The Velvet Sundown”، لي تولدات بالذكاء الاصطناعي، تجيب أكثر من 500 ألف مستمع كل شهر فمنصة سبوتيفاي العالمية، وهذا غير من بعد أسابيع قليلة من الإطلاق ديالها.

الفرقة بدات الشهرة ديالها كطلع بزربة، وهادشي خلاّها تخرج جوج ألبومات فواحد الوقت قياسي. وجلبت الانتباه بسبب الصوت الكلاسيكي ديال الأفراد ديالها لي مستوحى من الروك النفسي، والمظهر ديالها لي مستوحى من الماضي.

https://www.instagram.com/thevelvetsundownband/?utm_source=ig_embed&ig_rid=ea960ebc-70b7-488f-8e71-e0b1b3bf0878

من بعد ما الجمهور بدا كيدقق فالفرقة، بانو بزاف ديال العلامات لي كتشكك فيهم. منهم التصاور ديال الفرقة فأنستغرام لي بانو بحالا تصاوبو بالذكاء الاصطناعي، بالإضافة للأسماء ديال الأعضاء: غيب فارو، ليني ويست، ميلو راينز، وأوريون “ريو” ديل مار، لي بان بلي ما عندهم حتى وجود رقمي خارج الحسابات ديال الفرقة لي تصايبو مؤخراً.

من بعد هاد الشكوك، الناس لي واقفين على The Velvet Sundown أكدو بلي الفرقة ماشي حقيقية وراها مولدة بالذكاء الاصطناعي. وفالسيرة الذاتية الجديدة ديال الفرقة، وضحو بلي المشروع هو “عمل موسيقي اصطناعي موجه بإبداع بشري، تم التأليف والأداء والتصميم البصري ديالو بالدعم ديال أدوات الذكاء الاصطناعي”.

إقرأ الخبر من مصدره