لقطة دارت البوز.. بريدجيت ماكرون حرجات الرئيس د فرنسا عاوتاني (فيديو)

وكالات//

فواحد المشهد اللي رجّع النقاش من جديد على طبيعة العلاقة بين الرئيس الفرنسي ومراتو، دارات بريجيت ماكرون، مرات الرئيس إيمانويل ماكرون، البوز فالأنترنت، من بعد ما تشاف فيديو كيوثق لحظة وهي كتجنب تشد يد راجلها فواحد المناسبة رسمية كانت فيها مع العائلة الملكية البريطانية.

الفيديو اللي تشهر بزربة، بان فيه ماكرون كيمدّ يدو لبريجيت باش يشدها، ولكن هي دازت من قدّامو وكأنها رفضات بلطف، وتجاهلات يدو وكملات كتمشي بوحدها، وهذ اللقطة دارات تفاعل كبير فالناس، وكل واحد بدا كيأول على طريقته، واش كاين شي مشاكل بينهم، ولا غير تصرف عادي ما فيه والو.

pic.twitter.com/LMw3dqU8YB

— GorAdd (@Goradd7) July 9, 2025

وهاد الموقف ماشي أول مرة يوقع، حيث سبق ونشرو الناس فيديو قديم وهي نازلة من الطيارة، وماكرون كيحاول يعاونها ويمدّ ليها يدو، ولكن هي كملت النزول بلا ما تاخذ بيه.

أما الواقعة اللي تشهرات بزاف، كانت فشهر مارس اللي فات، ملي تحلات باب الطيارة الرئاسية، وبان ماكرون واقف فالمدخل، وفجأة جوج يدين ديال بريجيت يخرجُو من ورا ويدفُعوه لقدّام، فلقطة اللي الناس شافوها مضحكة ومحرجة فآن واحد، وتناقلاتها بزاف ديال وسائل الإعلام ففرنسا وحتى فالعالم.

إقرأ الخبر من مصدره